ԽՈՐ ՎԻՐԱՊ - բերդ Արարատյան դաշտավայրում,  Հայաստանի 5-րդ մայրաքաղաք Արտաշատի կողքին: Հայոց արքա Տրդատի հրամանով Հայաստանում քրիստոնեական գաղափարների տարածման համար Գրիգոր անունով մի մարդ ենթարկվում է աքսորի և նետվում Խոր Վիրապի բերդի փոսը: Խորը փոսում նա ապրում է 14 տարի: 

Հազարավոր քրիստոնյաներ են այցելում Հայաստան աչքով տեսնելու Գրիգորի ճգնավայրը, այն անցքը, որտեղից նա 14 տարի ստացել է իր հանապազորյա հացն ու ջուրը և Աստծո հրաշքով կենդանի մնացել: Աշխարհի տարբեր կողմերից գալիս են քրիստոնյաները  իջնելու  այն փոսը, որտեղ այդքան տարի ճգնել է Գրիգորը: Գալիս են հպվելու այն պատերին, որոնց ճեղքերում բուն են դրել Գրիգորի աղոթքի ձայները: Գալիս են լսելու աստվածային պատմությունը արքային բուժած Գրիգորի մասին: Թե ինչպե՞ս  իրեն բանտախուցը նետած Հայոց Արքա Տրդատի հրամանով հետագայում նա դուրս է բերվում բանտից, դառնում է Գրիգոր Լուսավորիչ և քրիստոնեական ուսմունքը տարածում Հայաստանում: